Идеологиялардың реинкарнациялануы: Ұрпақтар арқылы қайшылықтарды тапсыру, бойсұну мен тойтарыс арасындағы кейіпкерлер. Елдер, идеялар, замандар шегіндегі транзиттік процесс... Қисыны бар: жайлы болғанын күтсең – жайғас, басқасын қаласаң – шекараны өт, жаңаны іздесең – бейтарап жолақтан көз алма.

Пьесаға 1989 жылғы Берлин қабырғасының құлау тарихы өзек болған. Алайда, бұл 80-ші жылдар соңындағы Германиядан репортаж емес, ақиқаты – өзектілігі мәңгілік, жаһанға ортақ адамзат табиғатының тылсым философиясын тамтыған этикалық шығарма.

Спектакль – бұл адамдардан, тағдырлардан, хикаялардан тұратын зәулім күрделі пазл. Көрермен алдында міне-міне құлағалы тұрған Берлин қабырғасының маңайындағы шағын кафеде отырған адамдардың драмалары бір-бірін қақпақылдап барып ашылады. Әлемді тарихи оқиғалар дүр сілкіндіріп, жер бетінде жаңа айналым басталғандай кезде, Жаратушы Ие де жазмышын қайта қарастырып жатыр. Ал пьеса кейіпкірлері міне, дәл осы сәттерде: тіске басарлардың өрескел қымбаттылығын тілге тие кетіп танысуда, сүйіркелесіп барып ажырасуда, шиеленістен ара қатынастарын реттеп, сүйініштері мен күйініштерін жетегінде арпалысып, көңіл түйіткілдерімен әлек.

Ақырғы хор